Mack Mayer naka-eskapo sa Arcason

CEBU, Philippines - Mituhog si Voltaire Rosal og buzzer-beater jumpshot aron ihatod ang Mack Mayer Printers/Home Savers Depot ni Carlos Porras ngadto sa 75-73 nga kadaugan batok sa Arcason & Son's Construction and Development Corp. sa pagsugod sa 14th Jaycees Basketball Association (JBA) didto sa City Sports Club-Cebu sa Cebu Business Park.

Ang Arcason maoy nagkontrolar sa duwa gawas lang sa katapusang tirada ni Rosal nga nakapadaog sa Mack Mayer.

Si Rosal maoy topscorer sa Mack Mayer pinaagi sa iyang 18 puntos, samtang sila si Elmer Laguna, John Sulay ug Klein Baladya mirehistro sab og double figures sa maong kadaugan.

Si Kent Kangleon, kinsa mikulit og 16 puntos mao sab ang nangulo sa pilderong Arcason.

Sa laing duwa, ang Uptown Jaycees Foundation ni playing coach Dr. Boy Te nakalingkawas batok sa undermanned nga Mandaue Jaycees sa iskor nga 86-79.

Bisan lima lang ka players ang niduwa, ang Mandaue Jaycees nakamaneho gihapon pagposte og 10 puntos nga bentaha sa halftime, 41-31, apan napapas kini sa himalatyong oras.

Sila si kanhi USC-Warrior Nestor Patindol maoy nangulo sa Mandaue Jaycees nga mipabuto og 22 puntos, gisundan ni Edgar Colina sa iyang 20 puntos.

Si Jimbo Noel mirehistro og 25 puntos aron pangulohan ang Uptown Jaycees, samtang sila si Dindo Sausa ug Franco Te miamot og 14 puntos matag usa ug si Joseph Jayme mitampo og 12 puntos.

Sa ilang bahin, ang Rich Media Network, Inc. miposte sab og daog pinaagi sa pagpukan sa Zone 360 sa iskor nga 89-69.

Sila si Beboy Potencioso ug Jeremy Huang miburak og 19 puntos matag usa aron pangulohan ang Rich Media ug si Glenn Bisanes midugang og 17 puntos.

Ang pilderong Zone 360 gipangulohan sab nilang Junie Alejandro ug Ray Jun Trespicio nga pulos miposa og 17 puntos, samtang si Jayo Borromeo mitampo og 14 puntos.

Puntos Matag Usa

Unang duwa:

MACK MAYER (75) - Rosal 18, Laguna 13, J. Sulay 11, Baladya 10, Dela Calzada 7, Polo 5, Chua 3, Porras 2, Barreto 2, K. Sulay 2, Ong 2

ARCASON (73) - K. Kangleon 16, So 11, Z. Kangleon 11, Lee 8, Peña 8, Tecson 6, Sullano 4, Kaya 4, Jumawan 3, Quilantang 2

Ikaduhang duwa:

UPTOWN JAYCEES (86) - Noel 25, F. Te 14, Sausa 14, Jayme 12, Yu 8, A. Lim 6, Purcia 5, B. Te 2

MANDAUE JAYCEES (79) - Patindol 22, Colina 22, E. Latonio 14, R. Latonio 13, Magallano 10

Ikatulong duwa:

RICH MEDIA (89) - Potencioso 19, Huang 19, Bisanes 17, Lo 7, Mercado 6, Odulio 6, Que 5, Sy 4, Estella 4, Flores 2

ZONE 360 (69) - Alejandro 17, Trespicio 17, Borromeo 14, Lazaro 7, Lasala 6, Macias 5, Loma 3. - Gabby G. Malagar (BANAT NEWS)