Martus Jr. mosalmot sa WYSC
CEBU, Philippines – Mopakita na sab sa ilang talento ang Sugbuanong si Teodoro Martus Jr. sa open category sa World Youth Scrabble Championship (WYSC) qualifying round karong Mayo 30-31 didto sa Kotico Activity Center sa Robinson's Galleria Mall sa Ortigas Center sa Pasig City.
Si Joy Policher, senior high student sa University of the Visayas (UV), mopakita sab sa iyang abilidad sa duha ka adlaw nga kompetisyon ubos sa youth division.
Ang top 10 finishers sa youth division, makaangkon og katungod nga morepresentar sa Pilipinas alang sa 4th World Youth Scrabble Tournament didto sa Johor, Bahrin sa Malaysia sa Disyembre 8-10.
Ang makampiyon sa matag dibisyon malibre sab sa tanang galastohan sa pagsalmot sa International Causeway Challenge karong Disyembre 2-6 didto sa Singapore. – BANAT NEWS
- Latest
- Trending
