CEBU, Philippines – Gilubong sa Ave Maria Sanctuary Park/USJ-R Jaguars ni team owner Raffy Senining ang bag-ong gikoronahan nga Visayas Amateur Athletic Association (VAAA) champion Asian College of Technology (ACT) Cyber Knights, 81-58 aron pag-angkon sa ikatulong dapit sa 1st Vice Mayor Rudy Espinosa Cup basketball tournament didto sa Barba Sports Complex sa dakbayan sa Toledo.
Si Archie Antigua miposa og 15 puntos aron pangulohan ang Ave Maria.
Upat ka players sa Ave Maria ang mihakot og 10 puntos matag usa nga naglakip nilang Ranulfo Malinao, Armand Ponce, Freddie Latosa ug Randy Pogoy.
Nangulo sa pilderong Cyber Knights mao si Adelbert Nuñez pinaagi sa iyang 16 puntos, gisundan ni Elmer Aparice nga adunay 13 puntos.
Sa Inter-Ballclub, ang CSD Power Builders mipukan sa TSBA Boomers sa iskor nga 104-90, samtang ang USC-North Passarelle team mimasaker sa Toledo Passarelle, 85-61 sa ilang exhibition game.
Si Toledo City councilor ug sports commission chairman Jun Borja mitunol sa mga ganting salapi uban ni tournament director Estoy Jaranilla
Puntos Matag Usa
Ave Maria (81) - Antigua 15, Desuyo 13, Malinao 10, Ponce 10, Latosa 10, Pogoy 10, Senining 6, Luga 4, Lapiz 3
ACT (58) - Nuñez 16, Aparice 13, Valencia 8, Pontemayor 7, Reyes 6, Celina 4,Doy 2, Conahap 2 – BANAT NEWS