CEBU, Philippines – Andam na tanan alang sa pagpahigayon sa Dino Faelnar Inter-sitio basketball tournament nga buksan karong Mayo 24 diha sa Guadalupe Sports Complex, ning siyudad.
Katloa'g-duha (32) ka koponan gikan sa sitio Inglis ug sitio Banawa ang mosalmot sa maong torneyo.
Ang torneyo gibahin sa duha ka dibisyon nga mao ang midget ug seniors. Ang midget giapilan og 16 ka teams, samtang ang seniors adunay 16 ka koponan.
Ganting salapi ug tropeyo ang madawat sa mga mananaog ning maong liga nga gipasiugdahan ni Guadalupe barangay councilor Dino Faelnar uban sa suporta sa Cebu City Council. – BANAT NEWS