UTASSCO nag-una na

CEBU, Philippines – Nag-una na karon sa team standings ang UTASSCO Utility ni Atty. Flor Yosores dihang ilang giusap ang 75-65 nga kadaugan batok sa Park ‘N Go Bakeshop sa elimination round sa Power Forty President’s Cup summer basketball league didto sa Inayawan Sports Complex.

Sa ikaduhang duwa, midaog ang wwwfedguns.ph batok sa Nelly’s Farm sa iskor, 75-66.

Si Roel Traya mitunol og 16 puntos aron pangulohan ang UTASSCO. Sila si Alex Mercado ug Jun Nacional parehong miamot og 14 puntos alang sa UTASSCO, kinsa mikulit sa ilang ikalimang kadaugan ug ingon man pagsakmit sa solong liderato sa ilang 5-1 nga baraha.

Si Loloy Dejarme maoy nangulo sa Park N' Go nga mihukad og 15 puntos, gisundan ni Peter Lalican nga mihaon og 14 puntos.

Sa laing bahin, ang wwwfedguns.ph gipangulohan ni Nestor Javierto, kinsa mihipos og 20 puntos. Si Cogon-Pardo barangay councilor Jojo Ibones ug Edgar Nacario mitampo og   10 puntos matag usa alang sa fedguns, nga adunay 2-3 record.

Puntos Matag Usa

Unang duwa:

UTASSCO (75) - Traya 16, Mercado 14, Nacional 14, Cabrera 13, Yosores 8, Batac 4, Yu 4, Labajo 2

Park ‘N Go (65) - Dejarme 15, Lalican 14, Arias 13, Ozon 9, Rama 8, Echavez 2, Balbuena 2, Tura 2

Ikaduhang duwa:

www.fedguns.com (75) - Javierto 20, Ibones 10, Nacario 10, Rosal 9, Cabañero 8, Abadejos 8, Ramil 5, Villoga 5

Nelly’s Farm (66) - Reyes 15, Abalo 15, Moniva 14, Albaño 12, Colinares y4, Gabuya 2, Cabase 2, Nuñez 2 – BANAT NEWS