CEBU, Philippines – Gipahamtangan og laing kapildihan sa CCC-CSD Builders ni coach Boboy Cal ang Ave Maria Sanctuary Park/USJ-R, 102-90 sa Game-2 sa ilang “best-of-three” aron pag-abante sa finals batok sa Southwestern University (SWU) Cobras sa 1st Vice Mayor Rudy Espinosa Cup didto sa Barba Sports Center sa Toledo City.
Ang Game-1 sa”best-of-three finals duwaon ugma ug ingon man ang duwa alang sa ikatulong pwesto tali sa Ave Maria batok sa Asian College of Technology (ACT) Cyber Knights.
Sila si Jared Kane Abatayo ug Jerry Jaca maoy nangulo sa CSD Builders nga mibugha og 17 puntos matag usa. Si Sherwin Abobo miamot og 15 puntos, gisundan ni Aldrin Ocañada sa iyang 13 puntos ug Franklin Nailon nga adunay 11 puntos.
Si Archie Antigua milubong og 19 puntos alang sa Ave Maria, kinsa giisip ni CSD Builders team consultant Romy Cal nga labing lig-on nga kaatbang.
Sa duwa sa Inter-ballclub, ang TSBE Boomers yano kaayong milubong sa CCC Staff, 86-66.
Puntos Matag Usa
CCC-CSD (102) - Jaca 17, Abatayo 17, Abobo 15, Ocañada 13, Nailon 11, Redulosa 10, Delos Santos 9, Sayson 6, Sereño 2, Arnado 2
Ave Maria (90) - Antigua 19, Hatague 16, Pogoy 13, Desuyo 13, Malinao 9, Ponce 9, Latosa 4, Senining 3, Lapiz 2 – BANAT NEWS