"Cebu Deep" Crossing gikatakda sa Mayo 18

CEBU, Philippines – Plansado na ang tanan alang sa “Cebu Deep” Crossing karong Mayo 18 diha sa Plantation Bay Resort Hotel sa Marigondon dakbayan sa Lapu-Lapu.

Ang lumba nga sugdan sa alas-5 sa buntag naglatid og 10 kilometro nga walay putol nga langoy gikan sa Plantation Bay Resort Hotel ngadto sa Nalusuan Island.

Si world-ranker master swimmer Paul Vanhoven gikan sa California maoy mangulo sa laray sa mga partisipanteng swimmers.

Gipaluyohan sa St. James Premius Water ug sa abag sa Nalusuan Island Sanctuary, ang tumong sa maong kalihukan mao ang pagsuporta sa mga paninguha sa mga publiko ug pribadong indibidwal sa pagbalik sa coral reefs dinhi sa rehiyon ug ingon man pagsumpo sa dynamite fishing.

Alang sa dugang mga kasayoran kalabot sa Cebu Deep Crossing, tawag lang sa 344-0062 o dili ba 515-5277. – BANAT NEWS