Gomez, sali sa 10-Ball Championship sa Las Vegas

MANILA, Philippines – Umalis kahapon si newly-crowned Manny Villar Cup Isabela Leg champion Roberto Gomez patungong Las Vegas para sa pinakahihintay niyang debut sa US pool circuit sa kanyang paglahok sa 9th Annual Predator International 10-Ball Championship sa May 11-16 sa Riviera Hotel and Casino.

“I’m very excited that I will be finally playing in the US . I’ve been preparing hard for this,” anang 30-year-old stalwart ng star-studded Bugsy Promotions .

“That victory in Isabela boosted my confidence, and I hope I could carry the momentum to Vegas,” wika pa ni Gomez, na winalis ang limang laban kabilang na ang 11-9 panalo kay Warren Kiamco sa finals, at maging kauna-unahang two-time winner ng Villar Cup. Nagwagi din ito sa Davao Leg ng island-hopping series noong nakaraang taon.

Makakasama ni Gomez sina dating world No. 1 Dennis Orcollo.

Dating world champion Alex Pagulayan, Francisco “Django” Bustamante, Kiamco, Lee Van Corteza, Rodolfo Luat, at Jose “Amang” Parica sa pagbitbit ng Pambansang bandila sa torneong inorganisa ng Predator Group, isang international billiards industry leader, sa kooperasyon ng Dragon Promotions at hatid ng JBETpoker.net.

Sasabak din sa aksiyon sina Orcollo at Pagulayan sa PartyPoker.net World Pool Masters na magsisimula bukas sa Riviera Hotel and Casino sa Las Vegas.