Eryangs daog sa Barkadahan caging
CEBU, Philippines – Gibanatan sa Riverside ug Eryangs ang ilang tagsa-tagsa ka kaatbang sa Inter-sitio Barkadahan basketball tournament sa Poblacion Oriental Consolacion.
Nagbaha ang opensiba sa Riverside sa tunga-tungang bahin sa duwa aron lumsan ang Quiapo Compound sa iskor nga 78-66, samtang ang Eryangs milansang og 86-77 nga kadaugan batok sa Villacon.
Nakabentaha lang og uno punto ang Riverside human sa unang 10 minutos sa duwa, 15-14, apan milusad kini og 21-10 nga rally sa sunod hugna aron mapalawman ang labaw ngadto na sa 12 puntos sa halftime, 36-24.
Misaka og maayo ang labaw sa Riverside ngadto sa 23 puntos, 62-39 pagsugod sa final quarter nga nakapaluya sa Quiapo Compound. Bugtong nahimo sa Quiapo Compound mao ang pagpahak sa labaw sa Riverside ngadto na lang sa 12 puntos.
Ang Inter-sitio League nga gipaluyohan sa Barangay Council ubos sa liderato ni Brgy. Capt. Melquiades Caylan, gidumala ni commissioner Charlie Mindajao sa abag ni event coordinator ug Poblacion Oriental barangay councilor Paul Alelu Q. Flores.
Puntos Matag Usa
Eryangs (86) - L. Malagar 23, E. Malagar 17, Itbucan 8, Demecillo 8, Agnes 6, Canqueco 6, Del Mar 6, Lo. Malagar 5, Maloloy-on 4
Villacon (77) - Abinales 26, J. Flores 16, Med 10, Jansen 8, Ermac 5, Soreño 4, Vence 4, Reuyan 4 – BANAT NEWS
- Latest
- Trending
