Clarito-Apragan tandem nanghawod

CEBU, Philippines – Gilangkat sa tandem nilang Jun-Jun Clarito ug Cedric Apragan ang Class-A championship sa Bebots Abellar’s Tennis Tournament didto sa Mactan Air Base Tennis Club (MABTC).

Gipukan nilang Clarito ug Apragan ang tandem nilang Zaldy Buanghug ug Maxxi Buanghug sa final.

Sa laing bahin, sila si Maj. Frederick Cutler ug Sgt. Ryan Comendador mipukan nilang Bongi Noval ug Ian Querubin aron pagsakmit sa titulo sa Class-B, samtang sila si Harvey Singulan ug Vicky Gerra mibuntog nilang Jonna Abellar ug Che-Che Verga aron paghari sa Class-C division.

Ang White team midaog batok sa Red aron pagdaog sa overalll championship.

Ang usa ka adlaw nga kompetisyon gipasiugdahan sa Mactan Air Base Tennis Club sa abag ni Major General Nathaniel Legaspi, Brigadier General Jerry Macaranas, Brigadier General Egay Mendoza ug Lapu-Lapu City Councilor Junard ‘Ahong’ Chan. – BANAT NEWS