12 rounds 'di matatapos!-Dela Hoya

LAS VEGAS –Hindi matatapos ang 12 rounds! Iyan ang hula ni Oscar Dela Hoya sa magaganap na mega fight sa pagitan nina Many Pacquiao at Ricky Hatton sa Sabado, May 2 (Linggo, May 3 sa Manila).

“No. I don’t see it going the distance,” wika ni Dela Hoya na lumabas na matapos magretiro para lamang makarating sa press conference kahapon sa nalalapit na live-wire showdown na nakatakda sa 16,300-seat MGM Grand Garden.

Si Dela Hoya na nagretiro na kamakailan lamang, at nakalasap ng nakakadismayang kabiguan kay Pacquiao dito rin sa MGM Grand, ay nagsasabing hindi matatapos ang nakatakdang 12 round bout na bakbakan.

“Not early. Maybe late,” anang dating hari ng pay-per-view hanggang sa patumbahin ito ni Pacquiao noong malamig na gabi ng Disyembre.

Sa ngayon, si Pacquiao ang kinikilala bilang bagong mukha ng boxing, pound-for-pound champion at pinakamalaking humatak ng tao.

 Pero siyempre, kampi si Dela Hoya kay Hatton, na lumalaban sa ilalim ng Golden Boy stable.

Ngunit nang pag-usapan ang knockout, hindi ito sigurado kung sino ang magwa-wagi at mag-uuwi ng IBO junior welterweight crown.

“I don’t know who (the winner will be) but it’s not gonna go the distance,” pahayag niya sa mga Pinoy scribes habang nakasandal sa presidential table.

“Well I’m gonna go with my guy. Obviously Ricky Hatton is under Golden Boy Promotions. I believe in Ricky and I believe in my trainer, Floyd Mayweather Sr. I respect Manny Pacquiao and Freddie Roach. A great trainer and a great fighter but I’m gonna go with Ricky Hatton,” aniya.

Isinosyo din ni Dela Hoya kay Hatton ang kanyang karanasan kay Pacquiao.

“I’ve given advise to Ricky Hatton already. I’ve been there with Manny Pacquiao I’ve experienced his speed and his punches so obviously the advice that I’m gonna give them I’m sure they may use,” aniya. (Abac Cordero)