2009 Rose Pharmacy Open and Kiddies chess tourney sugdan karong adlawa
CEBU, Philippines – Sugdan na karong adlawa ang 2009 Rose Pharmacy Open and Kiddies Chess Tournament diha sa activity center sa A! City Mall-ACT Cyber Tower sa eskina P. de Rosario ug Leon Kilat sts., ning siyudad.
Karong adlawa, ang kompetisyon sugdan sa alas-9 sa buntag, samtang sa Domingo sugdan kini sa ala-1 sa hapon.
Ang Asian College of Technology (ACT) uban sa ilang school motto: “Life is simple and beautiful” dili magpanuko sa pagsuporta sa paugnat sa kusog ilabi na sa chess.
Ganting salapi ug tropeyo ang nagpaabot sa mga mananaog ning duha ka adlaw nga kompetisyon nga pagadumalaon ni FIDE arbiter Marvin Ruelan isip tournament director ug ni NM Roger Abella isip chief arbiter.
Alang sa dugang mga kasayoran, mahimong mokontak ni Marvin Ruelan sa 0916-4232335, Tony Cabibil sa 0916-7844724 o di ba ni Roger Abella sa 0910-2686890/ 255-5057. – BANAT NEWS
- Latest
- Trending
