AMBL Enterprises milansang sa ikaunom nilang sagunson nga daog
CEBU, Philippines – Mikulit sa ilang ika-unom nga sagunson nga daog ang AMBL Enterprises & Advertising ni Allan Lim pinaagi sa paglubong sa Eyeberry, 91-77 niadtong Lunes sa gabii sa Basketball Association of Ramos (BAR) Vice Mayor Mike Cup 2009 summer basketball tournament didto sa Benjamin Solon Memorial Gym in barangay Cogon-Ramos, ning dakbayan.
Ang Eyeberry maoy unang nanginit aron makaposte og 14 puntos nga labaw human sa first period, 26-12 pinaagi sa mga paningkamot nilang Ronald Zamora ug Jack Yap. Apan ang AMBL sa pagpangulo sa ilang point guard nga si Lito Navarro mipatuman og hugot nga depensa aron makan-an ang labaw ngadto sa tres puntos, 36-39.
Ang AMBL padayong nangigo sa ilang tirada aron pagposte og 70-60 nga bentaha human sa third quarter ug sukad niadto ila na nga nakontrolar ang duwa.
Si Navarro maoy nangulo sa AMBL sa iyang 25 puntos lakip ang lima ka triples, samtang si Alesna mi-iskor og 12 puntos. Sila si Fritz Sullano, Felicitas ug Lim parehong mi-iskor og 10 puntos matag usa alang sa AMBL.
Ang pilderong Eyeberry gipangulohan ni Bebot Dysam kinsa miposa og 15 puntos, gisundan ni Jack Yap sa iyang 14 puntos.
PUNTOS MATAG USA
AMBL (91) - Navarro 25, Alesna 12, Sullano 10, Lim 10, Felicitas 10, Abasolo 7, Jumamil 5, Monreal 4, Gallway 3, Loreto 3, Quiroz 2, Tejero 1
Eyeberry (77) - Sysam 15, Yap 14, Zamora 12, Pasana 10, Famador 6, Dela Cruz 6, Quintana 5, Endab 5, Panique 4 – THE FREEMAN
- Latest
- Trending
