Convento nagbida sa panalo ng Licealiz

MANILA, Philippines - Kumana ng isang wide open jumper ang Fil Am guard na si Lance Convento ng Licealiz para itumba ang Pharex, 91-89 sa overtime ng pagbubukas ng laro kahapon sa pagpapatuloy ng 2009 PBL PG Flex Unity Cup kahapon sa San Juan gym.

Matapos tumirada ng tres ni Chris Ross ng Pharex para itabla ang laro ng 89 all sa huling 10 segundo ng laro, naiwang libre si Convento ng ibantay sarado ng Bidang Generix si UAAP MVP Jervy Cruz.

Nakalusot si Convento na syang nagpakawala ng puntos para ipanalo ang laban at itala ang 3-3 baraha ng Licealiz

 Minsan ng lumuhod ang Bidang Generix sa Hair Doctors matapos matalo sa first round ng classification phase.

Kahit na may tsansa pang maipanalo ang laban, kinulang na sa oras si Ross para maungusan ang kalaban. (Sarie Nerine Francisco)