Little Baguio Miharos sa elim.

CEBU, Philippines - Giharos sa Little Baguio Homeowners Association (LBHA) ang ilang elimination round pinaagi sa paglansang og 46-45 nga kadaugan batok sa Conor Express Freight Forwarders sa nagpadayong Mambaling Basketball League (MBL) junior division didto sa Mambaling Sports Complex.

Ang LBHA nabiyaan sa sayong bahin sa duwa, apan hinay-hinay kining misikit, 33-39 sa daginutong oras sa fourth period hangtod nga milampos kini pagsakmit og nipis nga kadaugan. 

Si Dumar de Ramos mi-iskor og 12 puntos aron pangulohan ang LBHA, apan si Bern Castillo maoy nahimong bayani sa maong duwa human niya mapasulod ang bugtong niyang puntos sa nahabiling otso segundos ang nahabiling oras.

Si Van-van Laspiñas nga mitusak og 11 puntos, samtang si Ben Gascon miposa og 10 puntos alang sa Conor, kinsa nakatilaw na og pilde sud sa unom ka duwa.

Puntos Matag Usa

LHBA (46) - De Ramos 12, Lopez 9, Padilla 8, Muñoz 6, R. Porral 4, C. Porral 3, Castillo 2, Tecson 2

Conor (45) - Las Piñas 11, Gascon 10, Jacaba 7, Salem 5, Cubil 4, Picon 2, Alarcon 2, Temperatura 2, Lasam 2. - Gabby g. Malagar (BANAT NEWS)