Free basketball clinic sa Jugan

CEBU, Philippines – Pahimudsi ang kahigayonan nunot sa pagpahigayon sa talagsaong free basketball clinic nga sugdan ugmang adlawa diha sa barangay Jugan sa Consolacion.

Gipaluyohan ni Consolacion Vice Mayor Ember V. Alinsug, ang usa ka bulan nga training camp pagadumalaon ni Poblacion Oriental barangay councilor Paul Alelu Q. Flores, ang kanhi pambato sa Far Eastern University (FEU) Tamaraws sa UAAP.

"This is our own little way of helping the kids in our community in harnessing further their hoop skills. Also, I want to share to them all the things I’ve learned when I was still actively involved in collegiate basketball through UAAP," matud pa ni Flores.

Ang training session himuon sa matag adlaw’ng Lunes, Martes ug Biyernes gikan sa alas-7 hangtod sa alas-9 sa buntag, ug alas-9 hangtod sa alas-11 sa buntag sa weekend.

"Only a few can afford to join a basketball clinic because of the very expensive registration fee that is why we are doing this for free," dugang pa ni Flores.

Ang maong kalihukan gipaluyohan sab ni Jugan barangay captain Diosdada Gielzyk uban sa iyang barangay councilors nga sila si Boboy Pepito, Tony Pepito, Dado Ygot ug Jose

Cabahug.

Alang sa dugang mga kasayoran, mahimong mokontak ni Ulpiano ‘Ulping’ Cabahug Jr. sa 0915-8258156.

Sa laing bahin, ang Centro milansang og daog batok sa Crossing, 80-75 aron paglangkat sa kampiyonato sa Jugan Inter-sitio basketball tournament.

PUNTOS MATAG USA

Centro (80) - Villamor 22, Ico 17, Brigoli 10, Mojado 10, Vacunador 9, Guinita 7, Dodong 5

Crossing (75) - Dahil 27, Pepito 18, Rodriguez 12, Torres 8, Pilapil 6, Rodrigo 4 – BANAT NEWS