CCC-CSD Builders gisubha'g daog

CEBU, Philippines – Gisubhan dayon og daog ang CCC-CSD Builders human mitikyaob ang

Gikan sa ilang sikit nga labaw sa halftime, 40-36, mipatuman dayon og maayong opensa ang Builders ni coach Boboy Cal ug assistant Dicdic Rizal aron dili na makarekober ang C&B Shipping, kinsa nahiagum sa ilang ikaduhang sunod-sunod nga pilde. 

Karong gabii, ang Builders ug A&C Sports mag-ilog sa liderato sa Group-A.

Si Aldrin Ocañada maoy nangulo sa Builders sa iyang 22 puntos, samtang si Jerry Jaca ug defensive guard Jared Kane Abatayo mibugha og 17 puntos matag usa. Ang beteranong sentro nga si Franklin Nailon mikulit og game-high 15 puntos.

Ang kanhi UC Webmasters star Alex Cainglet ug ang higante sa SWU Cobras Jessie Lumantas maoy mi-agak sa opensiba sa C&B Shipping nga miposa og 15 puntos matag usa. Ang kanhi UV Lancer nga si Randy de la Pisa midugang og 12 puntos ug si kanhi USPF Panther Elvis Labares miamot og 11 puntos.

Sa preliminary game,   ang Blanc Blow Trading naka-eskapo gikan sa mga kamot sa CSD Staff bitbit ang 73-70 nga kadaugan.

Ang torneyo sa Toledo gidumala nilang Toledo sports committee chairman ug city councilor Jun Borja ug ni Estoy Jaranilla isip tournament director. Nahimo sab ang torneyo ubos sa pagtugot sa Cebu Basketball Referees Association (CEBRA) ubos ni Edwin Dejacto.

PUNTOS MATAG USA

CCC-CSD (88) - Ocañada 22, Jaca 17, Abatayo 17, Nailon 15, Delos Santos 6, Arnado 5, Montalbo 2, Sereño 2, Redulosa 2
C&B (77) - Cainglet 15, Lumantas 15, Dela Pinsa 12, Labares 11, Dela Rama 6, Aldave 5, Contonao 4, Colegado 3, Mercader 2, Mercado 2, Lunday 2    - BANAT NEWS