CEBU, Philippines – Nagpabiling walay pilde ang Conor Express Freight Forwarders human sa ilang kadaugan pinaagi sa paglubong sa Sitio Kolo, 114-57 sa nanghinapos nga elimination round sa Mambaling Basketball League (MBL) 2009 summer tournament niadtong Lunes didto sa Ma. Gochan Sports Complex didto sa barangay Mambaling.
Sa pagsugod pa lang, ang Conor nakapanimaho na sa ilang sayong kadaugan dihang milabaw kini og 42 puntos sa iskor nga 65-23 sa halftime.
Pito sa napulo ka players sa Conor ang mi-iskor og double figures nga gipangulohan ni Ben Gascon kinsa mikimada og 19 puntos.
Sila si Jessie Balaba mao sab ang nangulo sa Sitio Kolo pinaagi sa iyang 21 puntos, gisundan ni Rap-rap Cañedo sa iyang 18 puntos.
Sa kasamtangan, ang Conor nagbitbit og 4-0 win-loss record, samtang ang Sitio Kolo midiga og 1-3 nga baraha.
PUNTOS MATAG USA
Conor (114) - Gascon 19, Temperatura 15, Jacaba 12, Salem 12, Alarcon 11, Suerte 10, Las Piñas 10, Cubil 7, Romeo 6, Villarojo 4, Lasam 2
Sitio Kolo (57) - Balaba 21, Cañedo 18, Ylaya 6, Yncierto 5, Laborte 3, Beltran 2, Tranate 2
(Gabby G. Malagar) (BANAT NEWS)