Jayra, Orillaville nidaog

CEBU, Philippines - Ang Jayra ug Orillaville teams mi-irog ngadto   sa ikaduhang dapit   sa liderato human sa ilang kadaugan sa F. Llamas Youth Association (FYA) 1st Vice Mayor Mike Rama Cup niadtong Domingo didto sa Vicente Sotto Memorial Gym sa barangay Punta Princesa, ning dakbayan.

Ang Jayra mipukan sa Aqua Serv Mineral Water sa iskor nga 101-91, samtang ang Orillaville milatos sa Kuya Allan squad ni team owner Allan Guibelondo sa iskor nga 113-101 uban sa Aqua Serve sa managsamang 2-1 win-loss records. 

Si Viking Rollon maoy nangulo sa Jayra pinaagi sa iyang 35 puntos ug iyang nasuhong ang 40 puntos nga nahimo ni Tito Bacarisas alang sa Aqua Serv.
Si Clark del Mar midugang og 22 puntos ug si Bern Ylanan adunay 12 puntos alang sa Jayra.

Sa laing duwa, si Kikoy Maucesa miposte og 26 puntos aron pangulohan ang Orillaville. Si Ranel Patalita mibahog og 39 puntos, gisundan ni Eman Reubal sa iyang 21 puntos ug si Noel Medalle mitampo og 11 puntos alang sa Kuya Allan nga nagbitbit og 1-2 nga baraha.

Ang FYA gipaluyohan ni Punta Princesa barangay captain Rolly Diorico, barangay councilor Ray Gabriel Salgado ug tournament director Boy Atillo.

Puntos Matag Usa

Unang duwa:

Jayra (101) - Rollon 35, Del Mar 22, Ylanan 12, Pacaña 9, Dumagsa 7, Manubag 6, Zapanta 3, Cajigas 2

Aqua Serv (91) - Bacarisas 40, Magallon 15, Navarro 11, Villacastin 9, Bahena 7, Sensontick 5, Garcia 4

Ikaduhang duwa:

Orillaville (113) - Maucesa 26, Villaver 18, Llegunas 16, Alceda 13, Perez 12, Casinillo 9, Enriquez 8, Antiporta 6, Trinidad 4

Kuya Allan (101) - Patalita 39, Reubal 21. Quita 19, Medalle 11, Rabadon 4, Yalana 4, Canceko 2. - BANAT NEWS