Vega, Dacera milampos

CEBU, Philippines - Milampos sila si Paula Abigail Vega ug Nikita Dacera pagdepensa sa ilang tagsa-tagsa ka korona sa 2nd Olango Open Water Challenge.

Ang 16-anyos nga si Vega sa University of Cebu ug sakop sa Blue Marlins Swim Club (CBM) mitapos sa lumba sud sa usa ka oras, 56 minutos ug 21.38 segundos aron paghari sa women's division.

Mitapos sa ikaduha si Karen Angela Tiambeng sa Manila sa oras nga 2:33:06.56, ang ikatulo nakuha ni Loveleinell Casidsid sa iyang 2:52:12.63.

Si Kaitlin Danielle Capacio, ang teammate ni Vega sa CBM nga maoy kinabatan-onan nga partisipante sa kababayen-an nalandig sa ikaupat sa oras nga 3:15:50.02

Sa men's open division, giharos sa national swimmers ang unang-tulo ka mga luna nga gipangulohan ni Dacera, kinsa mitapos sa unom ka kilometro nga lumba gikan sa Pacific Cebu Resort ngadto sa Tambuli Beach Resort sud lang sa usa ka oras, 11 minutos ug dos segundos.

Si Kiefer Ticao mipahiluna sa ikaduha sa iyang 1:15:26.97, gisundan ni Emmanuel Plasabas sa oras nga 1:27. Si Michael David Vega nalandig sa ikaupat sa iyang 1:29:32.55, samtang ang notadong magpapatigayon nga si Wilfred Steven Uytengsu napunta sa ikalima uban ni Guy Concepcion nga parehong mi-oras og 1:32:20.67.

Ang kanhi hari sa triathlon nga si Noy Jopson naanod sa ikaunom sa iyang 1:34:2.91, samtang si Loi Rafols nalabay sa ikawalo sa oras nga 1:37:49.21. Ang ikasiyam ug ika-napulo nga dapit nakuha nilang Anthony Welsh (1:56:21.32) ug Aaron Florentino (2:05:22.16).

Sa men's fun division, si Dale Rennie mao sab ang nanghawod sa iyang 2:21:21.95, gisundan ni Paul Keiner sa iyang 2:39:56.33 ug Joanes Sy alang sa ikatulo sa iyang 2:40:51.01.

Si Ira Kiener, usa ka bantugang jet ski rider sa nasud napunta sa ikaupat nga dapit sa iyang 2:41:59.48.

Mikompleto sa top 10 mao sila si Alain Sanchez, event organizer Antonio Aboitiz, John Kiener, Jim Aboitiz, Philippine Amateur Swimming Association (PASA) president Mark Joseph ug Edward Ian Gonzaga.

Ang kita sa maong kalihukan idonar alang sa pagpatukod og dugang lawak saringan sa isla sa Olango.    (BANAT NEWS)