USPF, UV pilde sa Nestea tilt

CEBU, Philippines - Nangapukan ang University of Southern Philippines (USPF) women's team ug ang University of the Visayas (UV) men's squad sa finals sa 13th Nestea Beach Volley National Circuit 2009 Visayas eliminations didto sa Piazza Area sa Parkmall kagahapon.

Sila si Julie Anne Billote ug Ruby Rose Bordon sa University of Negros Occidental-Recoletos mipukan sa USPF nilang Erika Camille Verano ug Apple Saraum sa women's final, 21-18, 21-17.

Sa men's division, ang tandem nilang Arnel Amadeo ug Buensuciso Sayson sa defending champion Foundation University miparot sab sa UV nga gibitoonan nilang Jade Becaldo ug Precioso Bendijo, 21,17-, 21-18.

Ang University of San Jose-Recoletos, miangkon sa ikatulong dapit sa men's division dihang gilatigo nilang Ariel Carumba ug Louieji Tipgos sila si Jason Labuyo ug Belson sa Iloilo Doctors College, 21-10, 21-19.

Hinuon, ang USPF, UV ug USJ-R pulos nakaangkon og pasaporte ngadto sa national finals sa Boracay. (BANAT NEWS)