MANILA, Philippines - Ang pinakamalaki at pinakamatagal at prestihiyosong taunang SM bowling tournament ay gugulong sa pagtatanghal ng final leg ng 8th SM Bowling Cup, Pepsi Grand National Finals sa susunod na buwan.
May naghihintay na kabuuang P700,000 pa-premyo ang ibibigay sa mga nagdaang finalists. At bilang karagdagan, magbubulsa ng P500,000 ang makakaperfect game. Sa kasalukuyan, ang premyo ay nahahati sa apat dahil apat na perfect games na ang naitatala.
Sa huling dalawang chapters, ang Gatorade at Lipton National Finals ay nagpadala na rin ng mensahe sa lahat ng kontender lalo na kina champions Ric Pacana at Rodolfo Castro na nakapag-uwi na ng bagong Nissan Sentra.
Ang susunod na pagpapagulong ay sa Mayo 17 sa bagong ayos na SM Bowling Center North EDSA na may world design 24 synthetic polished lanes at modernong interiors na may couches para sa mga bowlers.