CEBU, Philippines - Human sa kalampusan sa labing unang night supercross dinhi sa Sugbu, ang 2009 MS Motosuit Motocross Series mopahigayon sa ilang ikaupat nga leg nga ulohan og "11th Ornopia Cup" karong Domingo didto sa Calambua, San Remigio.
Ning higayona, ang aksiyon ibalik sa panahon sa adlaw.
Sama sa miaging mga legs, daghan sab nga mga riders gikan sa Visayas ug Mindanao ang gilaumang mopakita'g aksiyon ning maong lumba nga gipresentar sa Castrol.
Ang 11th Ornopia Cup gipaluyohan sab sa Keiz BJ Motors, RMO Motor Parts, F&FO, Reliance Motor Sales, Dr. Felipe Montejo, Joy Flores, San Remigio Mayor Mariano Martinez ug barangay captain Gomersendo Jubay.
Ang kita sa maong kalihukan idonar alang sa completion sa Calambua Elementary Schools perimeter fence. – BANAT NEWS