Kahinaan ni Hatton alam ni Pacquiao

MANILA, Philippines - Katulad ng mga naka­raang laban ni Ricky Hat­ton­, inaasahan ni Filipino boxing superstar Manny Pacquiao na ma­ giging ag­resibo rin ang Briton world light welterweight champion sa oras ng ka­nilang upakan.

At dito, ayon sa 30-an­yos na si Pacquiao, ila­lantad niya ang kahinaan ng International Boxing Organization (IBO) titlist na si Hatton.

“We see a lot of weakness in Hatton,” wika ni Pacquiao sa panayam ka­hapon ng Mirror.co.uk. “I expect him to be coming forward and fight toe-to-toe, and I like that.”

Magtatagpo ang mga landas nina Pacquiao, ang tanging Asian fighter na nagkampeon sa apat na magkakaibang weight divisions, at Hatton sa Ma­yo 2 sa MGM Grand Garden Arena sa Las Ve­gas­, Nevada.

Ayon kay Pacquiao, ang malinis na panalo sa 30-anyos na tubong Man­chester, England na si Hatton ang kanyang ha­ngad.

“I’m not looking for a knockout,” ani Pacquiao, nagdadala ng 48-3-2 win-loss-draw ring record ka­sama ang 36 KOs, ha­bang may 45-1-0 (32 KOs) naman si Hatton. “I don’t want any distractions in my mind.”

Sinabi naman ni Hat­ton na ibang klaseng Ricky Hatton ang maka­kalaban ni Pacquiao na hindi nito inaasahan.

Matapos matalo kay Floyd Mayweather, Jr.. via tenth-round TKO noong Disyembre 8 ng 2007, umiskor si Hatton ng isang unanimous decision kay Juan Lazcano noong Mayo 24 ng 2008 at isang 11th-round TKO kay Paulie Malignaggi noong Nobyembre 22 ng 2008. (RCadayona)