Jr. NBA Philippines pa-New York

Aalis ngayon Easter Sunday ang Fantastic Six ng 2008-patungong New York upang simulan ang kanilang New York-New Jersey tour na kinabibilangan ng panonood ng NBA games sa pagitan ng New Jersey Nets at Charlotte Bobcats, maglaro ng friendly match kontra sa Jr. NBA New Jersey Team, makaharap si NBA legend Ron Harper at city tour sa Big Apple.

 Babanderahan ni Most Valuable Player (MVP) ng Jr. NBA Philippines program na si Mark Jayven Tallo, anak ni ex-PBA player Mark Anthony Tallo, ang anim kataong may talentong kabataan na kabibilangan din nina Michael Jay Javelosa ng Ateneo de Manila, Jose Carlo Escalambre ng Case del Niño Montessori sa Isabela, Arc Gabrielle Araw-Araw at Adrian Marvin Roland Muller ng Sacred Heart School sa Cebu at Aldrin Fegidero ng Pasay South City High School. Makakasama din si Boy Cabahug bilang coach ng team.

 Ang unang agenda ng mga batang cagers ay mag tour sa NBA New Jersey studio, kasunod ang praktis na pamamahalaan ni five-time NBA champion Ron Harper sa Izod Center.Makakadalo din sa pre-game shoot-around ng Nets at makaharap ng personal sina Nets stars Vince Carter at Devin Harris. Makakapanood din ang mga bata ng Nets-Bobcats game suot ang kanilang official Jr. NBA track suits.

 Makakaharap ng mga batang manlalaro ang mas matatangkad at malalaking Jr. NBA New Jersey Team sa susunod na araw at mamasyal sa New York City sa buong araw. Mula sa Empire State Building hanggang Rockefeller Center hanggang Cathedral of St. John the Divine, patungong Time Square at Broadway, lilibutin ng Philippine contingent ang buong bayan sakay ng official vehicle. Bibisitahin din nila ang Statue of Liberty at Ground Zero sa kanilang City tour.

“This is a very rare and once-in-a-lifetime opportunity for these young boys. Never in their wildest dreams did they imagine that this would be how they would spend this particular summer. They all worked hard and are very talented, of course. But this is a real gift from the NBA. Everything – from the coaches clinics to the training camps to this trip – has been for free. This is a great gift not just for these kids, but for Philippine basketball,” ani coach Boy Cabahug.