15 Cebuano netters mopakita'g aksiyon

CEBU, Philippines – Napulo'g lima (15) ka Cebuano tennis players ang mosalmot sa Head Penn Age-Group Tennis Tournament nga sugdan karong adlawa didto sa Praxivilla tennis courts sa Dumaguete City.

Ang Cebuano netters nga sakop sa SANCASE Development Training Pool ni coaches Bobby Soquino ug Christopher Minoza ug gisuportahan ni Fr. Rey Talaugon mopakita'g aksiyon sa walo ka dibisyon.

Ang managsuong Siso, kinsa gipaluyohan ni businessman-sportsman Jonathan 'Atan' L. Guardo, Tavo's Sport ug Dunlop, maoy mangulo sa delegasyon sa Sugbu ning upat ka adlaw nga kompetisyon.

Si Niño Siso mobanat sa duha ka dibisyon uban nilang Nino Mari Stefan Baylosis, Hannah Grace Espinosa, Francis Lambayan ug Jan Godfrey Seno.

Sila si Siso ug Baylosis mopakita sa ilang abilidad sa boys 16 ug 18, samtang si Espinosa ibala sa girls 14 ug 16. Sila si Seno ug Lambayan mobanat sa unisex 1-under ug boys 12.

Sa laing bahin, sila si Sallymae ug Sallydine Siso mopakita sa ilang abilidad sa girls 16 ug 18. 

Si Cheska Tabotabo mopakita sab og aksiyon sa girls 16, samtang ang iyang igsuon nga si Derek moduwa sa boys 12.

Ang managsuong Cyril ug Ma. Sheena Camporedondo mobanat sa boys 18 ug unisex 10-under, samtang sila si Fritz Satera ug Macmac Chan moduwa sa boys 14 division. –BANAT NEWS