Nietes Gustong Modepensa Sa Bakus Dinhi Sa Pinas

CEBU, Philippines - Human sa iyang impresibong kadaugan didto sa Mexico niadtong miaging buwan diin iyang gipatumba si Erik Ramirez, naglaraw karon si World Boxing Organization (WBO) minimumweight titlist Donnie Nietes nga modepensa pag-usab sa iyang bakus didto sa kauluhan.

Si Nietes nga gitakdang moatubang sa Mexican mandatory challenger nga si Manuel Vargas karong Hunyo gusto untang dinhi sa nasud ipahigayun ang sunod niyang title defense.

Sa iyang bahin, si ALA boxing big boss Tony Aldeguer nagkanayon usab nga nipis ang kahigayunan nga dinhi mahitabo ang away sa Pilipinas.

Si Aldeguer mi-asoy nga nangayo og dakung kantidad si Vargas alang sa iyang pagtugot nga dinhi sa nasud ipahigayun ang away nila ni Nietes.

Imbis didto sa kauluhan, posibleng mulupad na pud ang ALA boxer didto sa Mexico aron didto atubangon si Vargas.

Dala ang 24-1,14KOs nga baraha, si Nietes gihulagway nga dali ra nga mupakamang ni Vargas (26-3-1, 11KOs). (Lemuel P. Maglinte)   (BANAT NEWS)