Hapee Online summer camp gitakda

CEBU, Philippines - Ang labing unang nipasiugda og basketball training camp dinhi sa Sugbu "Hapee Online" mopahigayon na sab sa ilang tinuig nga summer camp (1st level) sugod karong Abril 1 diha sa Cogon-Ramos Gym, ning siyudad.

Ang 1st level inapilan sa conditioning work (speed, strength, agility ug uban pa), skills development (shooting, dribbling, passing, defensive workd), full court transition drills (fast break system, break system, fast break drills ug uban pa), group breakdown (post players, low and high post moves, wing players rip thru moves, spot jumpers) ug create (defensive mindset, zone offense and offensive moves).

Matud pa ni kanhi PBA player ug training director Mark Tallo nga ang camp nakaani og maayong bunga ug karon nagduwa na sa nagkalain-laing liga sama sa PBL, CESAFE, Hapee Online tournament, NBTC, MILO, Jr. NBA, CYBL, National Hoops, Liga ng Pilipinas ug uban pa.

Ang labing daku nga kalampusan sa camp mao nga daghan ang nadala ngadto sa Jr. NBA lakip na ang masaarong produkto sa Hapee Online Camp ug anak ni Tallo nga si Mark Jayven, kinsa maoy napiling Jr. NBA MVP.

Alang sa dugang mga kasayoran kabahin sa Hapee Online summer camp, mahimong motawag sa 3475900/ 4181032 o text 09105576443.

Ang registration nagpadayon pa gihapon diha sa Online Sportswear sa V. Rama Avenue, atubangan sa bag-ong barangay hall sa Calamba.  - Yoyo R. Abayan (BANAT NEWS)