Boxing, demo sports sa PRISAA

MANILA, Philippines - Mahigit 400,000 atleta mula sa 17 rehiyon sa bansa ang inaasahang magtitipun-tipon sa Naga City sa Abril 19-26 para sa PRISAA National Games 2009.

Inaasahang dadalo si Pangulong Gloria Macapagal-Arroyo bilang panauhing pandangal sa opening ceremony sa Metro Naga Sports Complex, Naga City sa Abril 20.

Ang naturang palaro na inorganisa ng PRISAA Bicol Region chapter ay suportado ng Smart Communications na pinamumunuan ni business magnate Manny V. Pangilinan.

Ang mga partsipante ay mula sa 360 pribadong kolehiyo at unibersidad sa buong bansa.

Ang mga events na paglalabanan ay basketball, volleyball, football, baseball, softball, badminton,  sepak takraw, tennis, table tennis, chess,  athletics, taekwondo, karatedo, dance sports, swimming,  Mutya ng PRISAA at vocal solo.

Ang boxing, ay kasama na sa kalendaryo ngayong taon bilang demo sports.