CEBU, Philippines - Gidominar sa Sugbuanong Gerrie Calinawan ang third leg sa Pipti-Pipti Triathlon and Duathlon Competition niadtong miaging adlaw didto sa Luyang, Carmen.
Ang wala pag-apil ni Noy Jopson maoy naghatag sa kahigayonan ni Calinawan paglangkat sa men's open title.
Mipahiluna sa ikaduha si RJ Balbuena, samtang ang kanhi top Cebuano swimmer nga si Ralph Arche mitapos sa ikatulo.
Sa laing bahin, si Elmo Claraval mao sab ang nanghawod sa men's class sa duathlon race. Iyang gipukan ang fast-rising runner nga si John Philip Duenas ug Miltone Luterte nga mipahiluna sa ikaduha ug ikatulo nga dapit. – BANAT NEWS