8 teams moapil sa Talisay beach volley

CEBU, Philippines – Lima ka unibersidad sa Sugbu ang magtigi sa beach volleyball competition karong Huwebes diha sa landing site sa Poblacion, dakbayan sa Talisay.

Kini naglakip sa University of the Visayas (UV), Cebu Doctor's University (CDU), University of San Jose-Recoletos (USJ-R), Southwestern University (SWU) ug ang University of Southern Philippines Foundation (USPF).

Ang kompetisyon nga gipasiugdahan sa Talisay City Sports Commission (TCSC) sugdan sa alas-9 sa buntag.

Gawas sa lima ka dagkung unibersidad, mosalmot sab ang tulo ka piniling sponsored teams nga naglangkob sa Volley Velez, Beach Volley Spikers ug Lady Spikers. 

Ang kampiyon makaangkon og P5,000, ang ikaduha makadawat og P3,000 ug ang mopahiluna sa ikatulo makadawat og P2,000.

Ang non-winners hatagan og P1,000 matag usa. –BANAT NEWS