Judo seminar himuon karon diha sa UC

CEBU, Philippines - Mga kanhi world judo champions nga silang Shinro Fujita ug Yasuhito Okada mohimo og Kodokan Judo Seminar karong Marso 23 ug 24 diha sa University of Cebu (UC) AVR 1.

Si Fujita, nga 7th dan Kodokan black belt, maoy manager sa internal affairs sa Kodokan Judo Institute.

Sa iyang bahin, si Okada, nga usa usab ka 6th dan Kodokan black belt maoy judo instructor didto sa Tokyo Metropolitan Police Force.

Sa maong seminar, ang duha ka masters mopaambit sa mga bag-ong coaching updates ug mo-demonstrate sa Taiho Jutsu technique.  

Mao kini ang technique nga gitudlo sa mga Japanese police sa pag-aresto og kriminal.

Mohimo sab sila'g Kodokan black belt promotion examination.

Giisip nga ang Kodokan belting examination maoy labing lisod sa judo belting examination.

Sa maong kalamboan, ang Central Visayas Judo Association miayuda sa maong seminar nga makabenepisyo sa hilig og judo dinhi sa Cebu.

Alang sa dugang mga kasayoran, mahimong mokontak ni Atty. Vicente Fernandez II sa cell # 0920-9526386 o Emmanuel Jingco sa 0917-8589695.   - Yoyo R. Abayan (BANAT NEWS)