CEBU, Philippines – Gisubhan dayon og daog ang CSD Power Brokers ni coach Romy Cal pinaagi sa pagposte og 84-74 nga kadaugan batok sa Adis Sportswear sa pagbukas sa 1st M. Lhuillier Cup niadtong Domingo didto sa USC gym.
Ang Power Brokers maoy nidominar sa duwa gikan sa pagsugod, apan wala kini makabiya og daku ug dali kaayo makarekober ang Adis Sportswear.
Sila si Jaren Kane Abatayo ug Jerry Jaca maoy migiya sa CSD Power Brokers pagpukan sa Adis Sportswear.
Daghan kaayo'g sipyat sa three points shots si Aldrin Ocañada, apan iya gihapon nga gipangulohan ang CSD Power Brokers pinaagi sa iyang 24 puntos, samtang si Jaca adunay 18 puntos ug si Abatayo miamot og 15 puntos.
Ang high-leaper nga si Edu Bungaciso mao sab ang nangu sa Adis Sportswear pinaagi sa iyang 21 puntos.
PUNTOS MATAG USA
CSD (84) - Ocañada 24, Jaca 18, Abatayo 16, Nailon 6, Arnado 6, Redulosa 4, Sayson 4, Sereño 3, Mangyao 2, Montalbo 2
Adis Sportswear (74) - Bungaciso 21, Tundag 18, K. San Pablo 10, Tampus 6, Miranda 5, San Pablo 4, Amadia 4, Tundag 2, Balumbao 2, Tojeno 2 (BANAT NEWS)