Justiniani nangu sa Sunrize

CEBU, Philippines - Ang beteranong si Luther Justiniani ug kaubanan gikan sa Sugbu maoy nangu sa kadaugan sa Sunrize Team batok sa Ding's Store, 85-80 sa bag-o lang natapos nga   72nd Araw ng Siocon Invitational open basketball tournament didto sa lungsod sa Siocon, Zamboanga del Norte.

Sila si Justiniani, Argiel Magan, Randy Pogoy ug Jumie Ararao nga gidala ni Francisco 'Dodong' Edera Jr. maoy nagsilbeng imports sa maong tinuig nga torneyo.

Ang Sunrize Team ni coach Karon Esmali, kinsa mao sab ang general manager sa Sunrize Group of Companies, gipanag-iya ni Siocon acting mayor Ceasar Soriano, ang kanhi reporter sa ABS-CBN sa Manila.

Ang nakakuha sa ikatulong puwesto mao ang Coca Cola Tigers ni team owner councilor Boboy Soriano, ang maguwang ni Mayor Soriano.   (BANAT NEWS)