CEBU, Philippines - Mipahungaw sa ilang naglagiting nga kainit ang Prime Asia Pawnshop/University of the Visayas (UV) sa ikatulong kuwarter nga maoy ilang gihimong hinagiban pagpukan sa Lapid's Chicharon/Don Bosco Technology Center (DTBC), 90-80 sa nagpadayong aksiyon sa Cebu Schools Athletic Foundation, Inc. (CESAFI) Partners Cup didto sa Cebu Coliseum.
Mga duwa karon (Cebu Coliseum)
1:30 pm UV vs. USPF
3:00 pm DBTC vs. USJ-R
4:30 pm SWU vs. USC
Human ma-alkanse og otso puntos sa unang-tunga, 37-45, ang Prime Asia/UV mipatuman sa ilang walay tihik-tihik nga depensa nga nakapagusbat sa duwa sa R. Lapid's/DBTC ug ingon man nakamugna og daghang turnovers.
Ang walk-in-the park lay-up ni Harold Cincoflores maoy mihatag sa labing unang labaw sa Prime Asia/UV sa iskor nga 48-46. Gikan niadto wala na makahigayon pa ang R. Lapid's Chicharon/DBTC pag-ilog sa labaw. Hinuon, ang R. Lapid's Chicharon/DBTC nakahimo pa sa pagtabla, 56-all human sa baskets ni Ricmat Pertubos.
Si Ritchum Dennison, maoy nangulo sa kadaugan sa Prime Asia/UV, kinsa mipupo og 25 puntos, samtang si Cincoflores miani og 19 puntos.
Ang pilderong R. Lapid's Chicharon/DBTC gipangulohan sab ni Jerome Villaver nga mibahog og 18 puntos, gisundan ni Jefford Aldave nga miratsada og 17 puntos.
Sa maong kadaugan, ang Prime Asia/UV nagbitbit na karon og 4-2 win-loss record, samtang ang R. Lapid's Chicharon nagtangag og 1-5 nga baraha.
Puntos Matag Usa
Prime Asia/UV (90) -Dennison 25, Cincoflores 19, Lasala 15, Olivares 8, Silva 7, Sendrijas 4, Benedicto 4R.
Lapid’s/DBTC (80) - Villaver 18, Aldave 17, Perturbos 9, Enterina 8, Dela rama 7, Loyola 6, Colegado 5, Castro 5 Quijano 3, Caballero 2. – BANAT NEWS