CEBU, Philippines - Nag-unay ang duha ka igsuong koponan diin ang Diabet '94 milatos sa Heartvit '93 sa iskor nga 86-76 sa nagpadayong aksiyon sa University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North campus gym.
Ang Diabet '94 mirehistro og 15 puntos nga bentaha paghuman sa unang kuwarter, 27-17, apan ang Heartvit '93 uban sa ilang mga paningkamot nakasikit ug mikitkit sa labaw ngadto na lang sa uno punto, 59-28 sa halftime.
Hinuon, ang Diabet '94 nakarekober aron pagposte og 10 puntos nga kadaugan.
Ang USCBHABA gipaluyohan sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Kidneycare, Heartvit, Diabet, Eyeberry ug Athan.
PUNTOS MATAG USA
Diabet '94 (86) - Canares 25, Cabrera 20, Jabonero 10, Velayo 8, Lu 8, Seno 6, Medija 5, Arnoco 2
Heartvit '93 (76) - Nemeño 34, Jumao-as 18, Kiamco 8, Banaag 7, Regidor 7, Bacolod 2 (BANAT NEWS)