Kagamhanan sa Sugbu mihimo'g lakang alang sa renovation sa CCSC track oval

CEBU, Philippines - Mihimo na'g pasiunang lakang ang kagamhanan sa dakbayan sa Sugbu alang sa renovation sa 15-anyos nga rubberized track oval sa Cebu City Sports Center (CCSC) pinaagi sa pag-entertain sa mga suppliers.

Si kanhi city councilor Augustus 'Joy' Young mihangop sa mga prospective suppliers kinsa nipresentar sa ilang produkto atol sa tigum kagahapon.

Lain mitambong mao si Sportwriters Association of Cebu (SAC) president John Pages, Philippine Sports Commission (PSC)-7 coordinator Dr. Danilo G. Villadolid ug CCSC manager Ricky Ballesteros.

Adunay lima ka suppliers ang grupo, apan duha lamang ang nakapresentar nga sila si Reydan Victoriano sa

Crayon Sporting Goods Inc. ug Glendol Badon sa 8G Marketing.

Ang duha usa sa responsable sa pagtukod sa track ovals sa Dumaguete, Iloilo, Tacloban ug sa Rizal Memorial Stadium ug uban pa.

Dugang pa ni Young, nga si Cebu City North District Rep. Raul del Mar mipakita sab og suporta pinaagi sa paghatag og salapi alang sa renovation sa oval.

Si Young maoy usa nga nagpasiugda sa pagtukod sa track oval dihang ang siyudad sa Sugbu maoy ni-host sa 1994 Palarong Pambansa.

Matud ni Young nga gibana-banang mokabat gikan sa P35 ngadto sa P40 milyones ang badyet sa pag-ayo sa nahisgutang track oval.  (BANAT NEWS)