Vernel mitipi sa Left-Over

CEBU, Philippines - Ang Vernel Aroma Therapy team ni coach Danny Duran mibuntog sa Left-Over, 106-96 aron pag-inat sa ilang baraha ngadto sa 5-2 sa Better Run Basketball Association (BERBA) didto sa Ma. Gochan gym sa Brgy. Mambaling, ning siyudad.

Sa maong kadaugan, ang Vernel nag-uban na karon sa Conor Express ni team owner Elmer Hamis nga pulos adunay 5-2 nga baraha sunod sa nag-unang Sitio Colveta, kinsa naghupot og 6-1 nga baraha.

Ang Vernel sayong naglabaw ug yano kaayong miposte’g 15 nga bentaha sa halftime, 56-41 sa paningkamot nilang Dodong Lopez, Mon Ceballos ug Chito Campos.

Si Ceballos maoy nangu sa Vernel pinaagi sa iyang 23 puntos, samtang laing upat parehong mirehistro og double figures alang sa maong kadaugan. Si Campos adunay 16 puntos, si Lopez midugang og 14 puntos, Michael Arias miamot og 13 puntos ug si Vic Gador mipuno og 10 puntos.

Nangulo sa pilderong Left-Over mao si Dodong Millior, kinsa mibahog og 29, gisundan ni Tata Salasa sa iyang 23 puntos.

Sa laing bahin, ang Colveta ug Conor pulos midaug pinaagi sa default batok sa Cavs ug Bucks.

PUNTOS MATAG USA

Vernel (106) - Ceballos 23, Campos 16, Lopez 14, Arias 13, Gador 10, Tabalin 7, Mosqueda 5, Duran 4, Carcueva 4, Ledesma 4, Martillan 2, Villarta 2, Dimitiman 2, Cuizon 2

Left-Over (96) - Millior 29, Salasa 23, Llamado 12, Fernandez 11, Cañete 6, Maguinsay 5, Medalle 5, Valle 3, Calvo 2   (BANAT NEWS)