Amancio, SUGBO brokers mag-abot sa kampiyonato

CEBU, Philippines - Midaog ang Amancio Brokers pinaagi sa default batok sa SUGBO Brokers aron angkonon ang katapusang luna sa finals uban sa Assessment Division sa 35-below division sa 14th District Collector's Cup basketball tournament didto sa Vicente Sotto Memorial Sports Complex sa barangay Punta Princesa, ning siyudad.

Ang Amancia-Assessment final showdown himuon karong Pebrero 25 diha gihapon sa nahisgutang sports complex. 

Sa usa ka non-bearing match sa 35-below category, ang MJDL Brokers mipukan sa Assessment sa iskor nga 93-86.

Bisan pa sa maong daog, ang MJDL igo na lang moduwa alang sa ikatulong puwesto batok sa Pimentel Brokers. Ang Mactan Hotmen ug ang Office of the Commissioner (O-COM) maoy mag-ilog sa korona sa 35-above division.

Si Baeng Medalle mibahog og 21 puntos aron pangulohan ang MJDL ni team owner Mike Logarta.

Ang torotoy'ng forward nga si Arnel Trinidad, ang presidente sa F. Llamas Youth Association (FYA), mao sab ang nangulo sa Assessment pinaagi sa iyang 17 puntos.

Puntos Matag Usa

MJDL (93) - Medalle 21, Trangia 16, Elloren 16, Abellana 9, Delos Reyes 9, Miralles 6, Villacastin 6, Paseol 4, Lopez 2

AsSessment (86) - Trinidad 17, Francia 16, D. Enriquez 13, Arreglo 12, Cadungog 11, Perez 8, Cañete 7. – BANAT NEWS