CEBU, Philippines - Siya mao si Nate Robinson sa New York Knicks kinsa mihasmag sa kapa ni Superman ug midaug isip kari sa Slam Dunk.
Si Robinson, ang gamatoy nga guard sa Knicks mipukan sa defending champion nga si Dwight Howard sa Orlando Magic sa usa ka makalingaw nga slam dunk contest kagahapon didto sa US Airways Center sa Phoenix, Arizona.
Iyang nakuha ang 52 por siento nga boto gikan sa mga fans.
Ang 5-9 nga Robinson, nagsul-ob ug all-green nga Knicks uniform ingon man usab green nga sapatos, milayat gikan sa likod sa 6-11 nga si Howard aron ihansak ang bola.
“Dwight was a great sport letting me dunk over him,” mato pa ni Robinson kinsa maoy kampiyon sa tuig 2006 dito sa Houston, Texas.
Si Robinson nakakuha’g ideya kaniadtong Biyernes gikan ra usab ni Howard, ang big man sa Orlando.
“I asked him yesterday in the elevator,” matod pa ni Robinson. “He was like, ‘Hey, I’ll do it.’ I thought he was joking,” padayon pa ni Robinson.
Matod pa ni Howard nga nalipay siya nga mitabang kang Robinson pinaagi sa pag-ingon “It is all about having fun.Hey, he won fair and square. The fans loved it. We tried to put on a good show. That’s what it is all about at All-Star weekend. It doesn’t matter who wins or loses.”
Si Howard naglawig na unta sa laing kadaugan human makakuha’g perfect 50 sa duha niya ka first-round dunks.
Ang sentro sa All-Star maayo kaayong naka-dunk sa opening round. Ka;it lang siyang nahanaw didto sa usa ka phone booth duol sa korte ug mibalik nga nagsul-ob ug kapa ni Superman ug miwara-wara sa iyang kamot ngadto sa katawhan samtang usa ka 11-foot nga goal giguroy ngadto sa taliwala sa korte.
Gidakop dayon ni Howard ang bounce pass gikan sa iyan teammate nga si Jameer Nelson ug kusog nga milayat daw tomahawk ug ang fans didto sa U.S. Airways Center nanghugyaw.
Agi’g pag-angkon sa iyang kapildehan, si Howard nagkanayon “I’m not mad or anything,” Howard said. “He did a good job. I guess the shorter man will win in a dunk contest because it looks real hard for him. It looks easy for me.”
Si Rudy Fernandez sa Portland ug si J.R. smith sa Denver natagak sa first round.
Si Robinson mag-atubang unya ug mas lisod nga hagit sunod tuig didto sa Dallas kung gusto siyang modepensa sa iyang korona tungod kay mosalmot na si LeBron James sa Cleveland Cavaliers sa sunod tuig.
Sa sayo pa, si daequan Cook sa Miami Heat nagkapuliki ug pasulod ug tres puntos aron mahimong kampiyon sa 3-Point Shootout pinaagi sa usa ka extra session.
Samtang didto sa overtime sa maong long-distance contest, hitultolan ni Cook ang iyang stroke ug nanginit siya’g maayo aron makapuntos ug 19.
Iyang gipalagpot si Rashard Lewis sa Orlando Magic sa extra round aron pagdaug sa korona. Iya sab nga gipalagapot ang defending champion nga si Jason Kapono sa Toronto Raptors kinsa duha na ka tuig nga naghupot sa korona.
Daghan nag sipyat si Lewis sa ikatulong hugna ug misipyat sa unang 11 niya ka tirada ug mi-sikor lang ug siete puntos.
Nakatabla si Cook aron pagpugos ug overtime dihang iyang napasulod ang kataposnag upat ka tirada dihang unom na lang sila ang nahiblin atol sa second round.
“I felt this was my opportunity to show people that I should be considered as one of the elite 3-point shooters in the game, so tonight I came out and did that,” matod pa ni Cook.
Si Kapono naglaraw unta nga maoy mahimong ikatulong player sa kasaysayan nga modaug ug tulo ka korona aron motabla kanilang Craig Hodges kanhi sa Chicago Bulls kinsa maoy kampiyon sa 1990-92 ug ni Larry Bird, ang kampiyon sa 1986-88.
Sila si Mike Bibby sa Atlanta Hawks, Danny Granger sa Indiana Pacers ug roger Mason sa San Antonio Spurs natagak sa first round.
Sa Skills Challenge, ang rookie sa Chicago Bulls nga si Derrick Rose maoy kampiyon dihang iyang gitapos ang obstacle race nga mas dribbling, passing ug shooting sa 35.3 segundos ug mas kusog sa iyang napildeng kaatbang nga si Devin Harri sa New Jersey Nets kinsa mitapos sa 39.7 segundos.
“I was just taking my time, going against a group og guys,” matod pa ni Rose.
Sila si Mo Williams sa Cleveland ug si Tony Parker sa San Antonio natagak sa first round. Gi-boo sa mga fans si Parker huma kini motapos sa ika-upat nga pwesto sa iyang 50.8 segundos tungod sa daghang misipyat nga jumpshots.
Si Kevin Durant sa Oklahoma CityThunder kinsa maoy nangu sa Sophomore Team pinaagi sa iyang 46 puntos sa ilang 122-116 nga kadaugan batok sa Rookie Team, maoy kampiyon sa H-O-R-S-E competition. - Gabby G. Malagar (BANAT NEWS)