PBA Legends, Pink Tower Selectionmagtige na sa Cordova

CEBU, Philippines - Gibutyag ni   Bonel Balingit ang mga magduduwa nga Pink Tower Selection nga maoy ikasangka sa iyang koponang PBA Legends sa exhibition game karong gabii diha sa Cordova gym, dakbayan sa Lapu-Lapu.

Si Balingit, magduduwa kanhi sa Swift Mighty Meaty sa PBA, mao karon ang Chief Executive Officer (CEO) ug consultant sa JJ Farr/Balingit Productions, Inc. Sports, Music and Entertainment Promotions.

Naglangkob sa Pink Tower nga gipanag-iya ni JJ Farr, kinsa mao usab ang presidente sa JJ Farr mao sila si Raoul 'Jhett' Latonio Jr., Jarjat Degamo, Aljun Regis, Aladdin Aguilar, Marvin Lastimosa, Juhan Quintana, Abel Bungcaras, Dominic Gaviola ug Mike Manigo. Mopalig-on sa puwersa sa Pink Tower mao ang tulo ka players gikan sa University of the Visayas (UV) Green Lancers.

Moduwa alang sa PBA Legends mao sila si Balingit, kanhi MVP Kenneth Duremdes, UV Lancers coach Elmer 'Boy' Cabahug, UVB Lancers assistant coach Al Solis, Gilbert Demape, Henry Fernandez, Peter Naron ug Johnedel Cardel.

Matud pa ni Balingit nga mapugos sila’g paninuod sa maong duwa kay dili siya gustong mauwawan sa mga batan-on, kinsa nagtinguhang motumba sa PBA Legends.

Ang Pink Tower kaniadto gilangkuban og mga drayber sa traysikad diha sa eskina Doña Rosario Village sa Basak, Mandaue City.

Matud pa ni JJ Farr, ang Pink Tower nahimong ilado dili tungod kay usa kini ka tore kun dili mao kini ang kolor sa iyang balay. – BANAT NEWS