AWC naka-ikyas sa Diabet sa USCBHABA

CEBU, Philippines - Gipapas sa AWC Batch '91 ang ilang 13 puntos nga lubong sa halftime ug milusad og linuog nga pangatake sa ulahing bahin sa duwa aron pagtuis sa Diabet Batch '94, 77-75 sa nagpadayong aksiyon sa University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North campus gym.

Sakit kaayo ang nahiagumang kapildihan sa Diabet kay sila man kanunay ang nagkontrolar sa duwa hangtod nga naapsan sa AWC sa nanghinapos nga bahin sa fourth quarter.

Ang Diabet naglabaw og otso puntos sa unang kuwarter, gani miabot pa kini ngadto sa 13 puntos sa halftime, 43-30. Apan ang AWC mi-rally sa ikatulong kuwarter aron pagkitkit sa labaw ngadto na lang sa siyete puntos ug mihimo kini'g 23-14 run aron maka-eskapo bitbit ang dos puntos nga kadaugan.

Ang USCBHABA gipaluyohan sa Uniherb Philippines, usa sa nag-unang health companies nga tiggama sa nabantog na kaayong food supplements sama sa Arthro, Kidneycare, Heartvit, Diabet, Eyeberry ug Athan.

Puntos Matag Usa

AWC (77) - Toledo 23, Concepcion 17, Alonte 13, Abelgas 9, Arong 9, Cabucos 2, Salgado 2

Diabet (75) - Cañares 21, Cabrera 16, Velayo 13, Medija 13, Lu 7, Jabonero 5. – BANAT NEWS