Cebu - Sa unang higayon, ang kulbahinam nga motocross action kanunay na nga makita sa telebisyon pinaagi sa INTV-powered CCTN Channel 47 isip official media partner sa tinuig nga MS Motosuit Motocross Series.
Atol sa senemanang SCOOP-Cebu forum kagahapon didto sa Baseline Restaurant, si CCTN
president Bro. Nonito 'Dodong' Limchua ug MS Motocross
big boss Lou Ornopia
milagda og Memorandum of Agreement timaan sa ilang panaghiusa.
Ang contract signing gitambongan ni SCOOP-Cebu president Robert 'Bobby Knight' Inoferio ug CCTN-47 station manager Stella Palomo-Monteño.
Laing nitambong mao ang mga top riders dinhi sa Sugbu nga naglakip nilang reigning "Rider of the Year" Seigfred Ornopia, Pepo Rubi, Gener Sicad, Rex Barbaso, Bonnie Bustillo, Clark Wagas ug ang MS Motosuit image models Jon-Jon Adlawan ug John Flores.
Ang aksiyon ipasalida matag Domingo sa alas 9:30 sa gabii.
Gawas sa motocross, ang CCTN aktibo sab nga nipaluyo sa Cebu Schools Athletic Foundation,Inc. (CESAFI) basketball tournament ug ingon man boxing events ubos sa promotional outfit ni Sammy 'Don King' Gello-ani.
“For the past three years, motocross is alive and kicking. That is, of course, because of our sponsors and the very supportive parents. I’m very thankful to them,” matud pa ni Ornopia, ang 2007 Sportswriters Association of Cebu (SAC) Sportsman of the Year. – BANAT NEWS