Trisha and Carl kampiyon sa LAYA

Cebu - Nahimong bayani si Andrew Navaja sa 76-73 nga kadaugan sa Trisha and Carl batok sa Criminal Intelligence and Investigation Bureau (CIIB) human mitusak ang iyang triple sa nahabiling 47 segundos aron pagsakmit sa titulo sa Labangon Youth Association (LAYA) 1st Ritchie Osmeña Cup niadtong miaging gabii didto sa Labangon Sports Complex.

Sikit kaayo ang duwa sa duha ka kampo gikan sa pagsugod hangtod nga si Navaja, kinsa libre kaayo mitira gikan sa three-point area dayong tingog sa buzzer.

Si Navaja mikulit og 15 puntos, apan si Jade Flores maoy topscorer sa Trisha and Carl sa iyang 28 puntos. Si Sonny Nemeño mibugha og 18 puntos.

Si Roy Veloso mao sab ang nangulo sa CIIB pinaagi sa iyang 18 puntos, si Police Supt. George Ylanan mitampo og 14 puntos, samtang si Joseph Bugtai mitampo og 13 puntos.

Sa duwa alang sa ikatulong dapit, si Noel Medalle mipabuto og 22 puntos ug si Neil Sasad mitira og 21 puntos alang sa Lola Carmen Chicharon, kinsa mipukan sa Green team sa iskor nga 84-80.

Ang Green squad gipangulohan ni LAYA president Robby Ylanan, kinsa mirehistro og game-high 30 puntos. Si Joggie Navaja miabuno og 20 puntos.

Puntos Matag Usa

Unang duwa:

Lola Carmen (84) - Medalle 22, Sasan 21, Papillero 14, Gallardo 10, Alega 7, Uy 3, Ylanan 3, Escat 2, Villaraza 2, Maambong 2

Green (80) - Ylanan 30, Navaja 20, Ynot 11, Subingsubing 7, Pañares 6, Gallardo 2, Pasana 2, Abella 2

Ikaduhang duwa:

Trisha and Carl (76) - Flores 23, Nemeño 18, Navaja 15, Romanos 9, Jabines 2, Boysillo 2, Cajigas 2

CIIB (73) - Veloso 18, Ylanan 14, Bugtai 13, Maglinte 9, Ybañez 5, Aldemita 4, Plasus 4, Pandong 3, Ipe 3, Dignos 2, Mendarus 2, Quita 2. – BANAT NEWS