CEBU - Ang Rotary Week ning tuiga naglatid sa running event karong Pebrero 22 diha sa Cebu Business Park.
Ang lumba nga nagdala sa tema "A Green Walk, Run For Wellness," bukas sa tanan lakip na ang non-Rotarians.
Gipaabot nga moabot sa 500 runners ang mosalmot sa lumba nga gibahin sa tulo ka kategoriya -- 1K, 5K ug 10K.
Ganting salapi ug mga medalya ang madawat sa top-10 finishers sa male ug female categories.
May sertipiko sab nga ihatag sa tanang partisipante, kinsa makatadlas sa finish line.
Aduna kini registration fee nga P150 apil na ang singlet. Ang singlets ug race kits mahimong makuha sugod sa Pebrero 16 hangtod 21 didto sa Freestar Arcade nga nahimutang sa Nikkie Garden Hotel sa brgy. Subangdaku, dakbayan sa Mandaue. (BANAT NEWS)