CEBU - Nagsalig ang MJDL Brokers sa kamangtas ni ex-USC Warrior Danny Infantado ug Baeng Medalle aron birahon ang 97-80 nga kadaugan batok sa Pimentel Brokers sa bugtong duwa sa 35-below sa nagpadayong 14th District Collector’s Cup basketball tournament niadtong miaging gabii didto sa Vicente Sotto Memorial Gym sa barangay Punta Princesa, ning dakbayan.
Si Infantado, kanhi commercial player mi-iskor og 28, samtang si Medalle, ang point guard kaniadto sa USJ-R Jaguars mi-iskor og 21 puntos alang sa MJDL nga nagbitbit og 3-2 nga baraha.
Si Adonis Morata, kinsa niduwa sa Inter-City Cup sa Lapu-Lapu Chiefs maoy nangu sa Pimentel sa iyang 17 puntos samtang si Francis Palero midugang og 13 puntos.
Sa laing duwa, ang ex-SWU Cobra nga si Sanshane Barita, yano kaayong mipasulod sa iyang duha ka free throws sa daginutong oras sa duwa aron luwason ang Enforcement Security Service (ESS) gikan sa mga kamot sa District Collectors sa iskor nga 89-88 sa 35-division, samtang ang MJDL midaug pinaagi sa forefeiture batok sa walay daug-daog nga Chamber of Customs Brokers Inc. (CCBI).
Si Jingjing Rama, ang nabantog nga three-point artist, mibugha og 18 puntos alang sa ESS.
Ang District Collector’s Office may purohan pa untang modaug, apan si Aris Jayme misipyat sa iyang mahinungdanong duha ka free throws.
PUNTOS MATAG USA
Unang duwa:
ESS (89) - Barita 23, Rama 18, Sicat 17, Cabahug 7, De Gracia 7, Mabalo 6, Lozano 6, Viagedor 3
DC (88) - Gajansol 16, alinsug 16, Jayme 14, Pernito 11, Gadong 11, Gerundio 6, Cadungog 4, Reyes 2, Palabor 2, De Joya 2, Alo 2
Ikaduhang duwa:
MJDL (97) - Infantado 28, Medalle 21, Elloren 8, Gurrea 7, Delos Reyes 6, Paseol 5, Abellana 5, Lopez 5, Villacastin 3, Delaresco 2, Miralles 2
Pimentel (80) - Morata 17, Palero 13, Moral 13, Villa 8, San Pablo 8, Arong 6, Manlosa 5, Bensi 4, Cabarse 4, Largosa 2
(BANAT NEWS)