Cebu - Gipanglubong sa Heartvit ‘93 ug Yayoy’s Grills and Resto Bar ang tagsa-tagsa nila ka kaatbang sa University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North Campus gym.
Ang Heartvit ‘93 mipahamtang og 27 puntos nga lubong ngadto sa ilang igsuong koponan Arthro sa iskor nga 97-70, mao usab ang Yayoy’s Grills dihang mihaling sab kini’g 27 puntos nga kadaugan batok sa AWC sa iskor nga 115-88.
Wala moila’g igsuon ang Heartvit ug milansang dayon kini og 17 puntos nga bentaha sa unang kuwarter, 29-12. Giinat pa sa Heartvit ni team owner ug Brgy. Tisa no. 1 councilor Jeson L. Guardo ang labaw ngadto na sa 20 puntos, 68-48 paghuman sa ikatulong kuwarter alang sa ilang sayon nga kadaugan.
Sa laing bahin, ang Yayoy’s Grills and Resto Bar ni team manager Rocky Alcoseba milabaw lang og siyete puntos sa halftime, 50-43, apan miarangkada sa sunod nga kuwarter aron bingaton ang labaw 81-60 paingon sa final period.
Puntos Matag Usa
Unang duwa:
HEARTVIT (97) - Regidor 24, Jumao-as 18, Eleazar 16, Colinares 11, Banaag 7, Nunes 7, Sevilla 6, Kiamco 4, Vargas 2, Cabrera 2
ARTHRO (70) - Caparas 18, Mata 16, Tumakay 12, Solon 8, Cenas 8, Tecson 6, Del Rosario 4
Ikaduhang duwa:
YAYOY’S GRILL (115) - Abellanosa 22, Ruiz 18, Alcoseba 18, Move 14, Ferrer 14, Ynclino 12, Moran 6, Tan 4, Piza 4
AWC (88) - Toledo 39, Jacobe 17, Salgado 14, Arong 13, Villagonzalo 5. – BANAT NEWS