AC Sports-Yellow nagpabiling walay pilde

Cebu - Gilampurnas sa AC Sports-Yellow ang Orange, 84-79 aron magpabiling walay pilde human sa upat ka duwa, samtang ang USC Alumni mipukan sa Light Blue, 82-74 sa 8th USC-BED SC PTCA, Inc. basketball tournament didto sa USC-South Campus covered court.

Sa unang duwa, midaog ang White pinaagi sa forfeiture batok sa Violet.

Ang AC Sports nakig-uban sa Maroon ni ex-pro Lou Regidor sa liderato sa managsamang 4-0 win-loss records.

Si Neil Resma maoy nangulo sa AC Sports pinaagi sa iyang 24 puntos, gisundan ni Cesar Ortega sa iyang 19 puntos.

Ang USC Alumni gipangulohan ni Dean Wong sa iyang 18 puntos, samtang si Edmund Odulio mi-iskor og 15 puntos. Ang Light Blue gipangulohan sab ni Jun Soco sa iyang 12 puntos.

Puntos Matag Usa

Unang duwa:

AC Sports (84) - Resma 24, Ortega 19, Alforque 12, Loquias 10, Baba 6, Ando 6, Omelig 4, Macias 2

Orange (79) - Hipolito 13, Fernandez 13, Sacedon 9, Cabang 8, Nacua 8, Nudia 6, Satorre 6, Gayoso 4, Abella 2

Ikaduhang duwa:

USC Alumni (82) - Wong 18, Odulio 15, J. Diaz 14, Diaz 14, Monsanto 11, Villamor 5

Light Blue (74) - Soco 12, Sartagoda 11, Rivera 11, Cala 7, Blanco 7, Calo 6, Baldago 6, Maribao 4. – BANAT NEWS