Hapee winalis ng Batang Pier

Naasahan ng six-peat seaking Harbour Centre sina Reed Juntilla at Al Vergara sa crucial stretch upang igupo ng Batang Pier ang Hapee Complete Protectors, 70-66, at ma-sweep ang kanilang semifinal series sa PBL PG Flex Linoleum Cup kahapon sa The Arena sa San Juan.

Tumapos si Juntilla, ang dating Cebu standout na lumaro sa Hapee sa kanyang unang dalawang taon sa liga, ng 15-puntos kabilang ang krusyal na tres sa huling 1:24 minuto ng labanan na naglagay sa Harbour Centre sa 66-64 kalamangan.

Nasupalpal ni Rico Maierhofer ang pagtatangka ni Chris Tiu bago inilagay ni Vergara ang mga Batang Pier sa 68-64 kalamangan mula sa kanyang dalawang charities mula sa foul ni Tiu.

Dumikit pa ang Complete Protectors sa 68-64 sa quick basket ni Lance Convento at nagkaroon ng pag-asang dalhin sa overtime ang laro nang maka-split si Benedict Fernandez gayunpaman ay sumablay ang kanyang panablang tres bunga ng kanilang kabiguan.

Sa ikalawang laro, humakbang naman patungo sa finals ang Bacchus nang magwagi sila sa Magnolia Ice Cream, 89-83.