Referees Seminar Karon Alang Sa Partner's Cup
Cebu - Ang chief of referees sa Philippine Basketball Association (PBA) nga si International Referee Romy Guevarra moabot karon dinhe sa Sugbo aron pagpahigayon og usa ka referees/coaches seminar alang sa bag-ong mga balaud sa FIBA.
Gidapit ang mga referees ug mga coaches sa mga teams nga mosalmot sa Cebu Schools Athletic Foundation Inc. (CESAFI) Partner’s Cup sa pagtambong sa seminar.
Ang seminar diin si Guevarra mohatag sab og actual demonstration, anha ipahigayon sa Cebu Coliseum function room sugod sa alas 8 sa buntag.
Gi-awhag sab ni CESAFI commissioner Felix O. Tiukinhoy Jr. nga pakuyogon sab ang mga assistant coaches niining libreng seminar nga gitumong aron malikayan ang panaglalis tali sa mga referees ug mga coaches nga kasagaran mahitabo atol sa duwa. – GGM (BANAT NEWS)
- Latest
- Trending
